Luggi Stütz, Willi Stopfinger, Horst Bachmeier und Sigi Dickl holten sich einen souveränen Start-Zielsieg in Mettenhausen!
22:02 Punkte, des kan se seng lossen, Mana!
zum Bericht vom Horst...
Mettenhausen – ah guats Pflaster (Asphalt ?)
Am Wochenende vo unsam eigena Turnier hot ah Mettenhausen des Turnier ausgschriebn. So durften da Willi als Moa, da Stütz Lugge Hintauffe, da DickSi als erster und ih, da Horst ois zwoata Stockschütz de Fahrt nach Mettenhausen antreten. Wer scho amoi dort gwen is, der woaß, dass‘ do an suppa Asphalt hot.
Im Vorfeld (am Freitog auf Nacht) is scho a weng a Druck aufbaut woarn. Da Schmied und da Grabmeier warn se einig: „Ois andere wia da erste Platz is a Enttaischung“.
Mit dera Maßgabe ham ma uns im ersten Spui gega Griasbach wega a paar Feischuss erst eine kämpfa miassn und knapp mit 11:9 gwunna. De folgenden Spuia gega Eichendorf (14:3), Gottfrieding (29:5) und noch dem Aussetzer gega Fichtheim (16:6) warn übahaupt koa Problem. Dornach hot uns dann gfordert, oba mit 13:11 für uns doch den Kiazan zong. Zum Ende da Vorrundn hamma no a 22:5 gega Pilsting (net de Erste ?) eigfohn.
A so deaf de Rückrundn ah geh, warn mia uns einig. Allerdings ham ma de Griasbacher in der ersten Kehr trotz Anschuss an 5er lossn. In da zwoatn Kehr dahungern da Willi und da Stütz. Ih muas eimastn und da DickSi feit. Griasbach hat an 9er. Mit am 5er und an 7er warn wir wieda beim Spui. Allerdings ham mas in da 5. Kehr versaubeidlt. Und de Griasbacher kinand no zwoa 7er zu unsara oanzign Niederlage zum 28:12 mocha. Hintnoche is scho saubled. Mit meine 2 Feischuss und 2 Aussteiga – und de andan drei warn do ah ned fui bessa – ham ma uns letzendlich de weiße Westn verdorbn.
Danoch ham am uns oba wieda zamgrissn und de andan 5 Spuia jeweils deitlich gwunna. Oianzig Fichtheim hat no 3 moi gega uns schreibn kinna, oba trotzdem mit 17:11 verlorn.
’Z Mettenhausen is auf alle Fälle schee zom schiaßn und erst recht, wenn ma ah wos trifft. Mit 22:2 Punktn und am suveränen ersten Plotz ham ma ah an sauban Koab mit Fressalien mit hoam kriagt.
Bein anschließendn Tiroler wars ganau so deitlich. 4:0 fürn Stütz Lugge und mi. Der Samstag Nammedog hot se rentiert.
da Spaigl dazua:
