"Zwoata in Diedasburg"
 |
 |
S’Dietasburgara Brotzeitturnier war eigentlich ois 7er Einfachrunde ausgschrim. Da SchmiedSi, da DickSi, da Bernhard und i, da Horst ham gmoand, bei dera Hitz glangan de 36 Schuss.
Weit gfeiht. Se ham grod 5 Meldungen ghobt und vo dene is Preaba ah ned kemme. Iatz hams dann seiba no mitschiassn miassn. Und letztendlich warens dann 48 Schuss bei ana 5er Dopperund.
Da größte Aufrega war oba, dass das DickSi sein Autoschlüssl nimma gfundn hot, wias zum Hoamfohn war. Überoi hot a gsuacht und hod gmoand:“Des gibt’s doch ned, denn hob i oiwei im linkn Hosnsog.“ Letztendlich hot a dann mit mia hoamfohn miassn. S guade Ende, späta hamma erfahrn, dass an doch in seim Wimmal ganz untn drin kod hot.
Sportlich hamma uns s’Leben seiba schwar gmocht. Mia ham fast in jedm Spui Kehrn dabeigobt, in dene unsere Gegna an leichtn 3er gschim ham.
Glei s’erste Spui gege Johanniskircha war ma noned bei da Sach und ham de Punkte obgem. Des war zawar de oanzege Niederlage oba mit am Unentschieden gega Grosensee in da Vorrundn und gega Lengsham in da Rückrunden war ma letztlich 1 Punkt hinta Johanniskircha am 2. Plotz.
