Nach jeweils ersten Plätzen in den letzten 2 Jahren, lief's diemal nicht ganz so perfekt!
hier der Bericht vom Horst
Des moi war’s nix midm 1. Platz in Grasensee
Noch dem i, da Horst de letzten zwoa Johr in Grasensee Erster worn bin, hot’s heia ned glangd und zu dem hods ganz oben am Treppal a Überraschung gem.
In da Aufstellung DickSi, Alois, Stütz Lugge mit mir ois Moa ham ma koa konstante Leistung zam brocht und hand letztendlich verdient 3. worn.
Oh ganga is glei gega Postmünster. Nach dem mas bis zur 4. Kehr scho um 10e viere lossn ham is mit a wengal Glick und Konzentration no a Unentschiedn außa sprunga. Lengsham war dann koa Probelm oohba Zimmern. Do san mia in der 4. Kehr um 8te vorn. Hinauf macht Zimmern an 3er und herunta miassn’s aschiassn. I ko net song ah es is dumm glaufa, mia ham einfach gfeid und Zimmern an 7er gschrim :-(((.
Gega Dietersburg (Felixberger Rudl, Fechter Richhard mit de zwoa Junga Bichlmeier und Brandstetter) ham ma dann a blos 4 Kehrn mitschiassn kinna und des ah glei no oglad.
Endlich da Aussetzer. Hoffentlich wiads bessa.
Momentan aber goa ned, weil glei noch dem Aussetzer hot uns Triftern 0:32 ohgfisld. Worauf ma oba des letzte Spui gege Hebertsfelden no 18:10 hoam brocht hamd.
Mit dem 5. Platz in der Vorrundn is uns s’Gsicht scho obeghengt.
In da Rückrundn ham ma dann Postmünster 22:10, Lengsham 35:3 und Zimmern mit 25:5 im Griff g’hapt. Dann wida Dietersburg. Se kemmand vom Aussetzer, wos eana scheinbar nix ausmocht. Bis zur 4. Kehr stehts wida 10:10, und dann ham ma hoit nimma gschrim. Zwoa Niederlagen gega Dietersburg is scho hart.
Nach dem Aussetzer ham ma wenigstens Triftern packa kinna. De warn zwar noch 2 Kehrn soch wieda 12:0 vorn, aber mit am 9er in der 3. Kehr war ma wieder beim Spui.
Vorm letzten Spui hat Triftern 10 Minus und an Aussetzer und mia 9 Minuspunkte.
Bled war, das se Hebertsfelden net selba ergebn hat. Ah so ham mas net gwinna kinna und sang letzendlich mit dera Leistung direkt verdient blos 3. worn.
De Überraschung für mi war Dietersburg mit 20:4 Punkten auf dem 1. Platz.
