Am Samstag 16.04. war Großkamfptag.
Neben Kreispokal B und dem eigenen Turnier mit dem Start oana Mannschaft vo uns durften wir, Stummer Hans, Hölzlwimmer Xaver, Gisnapp Franz und ih (Bachmeier Horst) auf Mettenhausen fahrn.
Nach’m Warmschiassn ham ma in d'Brotzeitstubn geh kinna, weil ma glei an Aussetza ghobt ham.
Des erste Spui gega Reisbach - mia no koid - ham ma dann a glei oglad. s'Zwoate gega Kammern gwunna und im drittn war ma gega Oberwackerstall-Tunding noch 4 Kehrn um achte vorn.
In da 5. Kehr loss ma an Gegna an 7’a schreim :-(.
No nix passiert. Es geht ums Schreim und mir ham Nachschuss, denn ma ah bis (fast) zum Schluss hoitn kinnand.
Leida hod unsa letzta Schuss ned grodn und mir hama doch no verlorn. :-((
Bis do hi hob I ois Stockschütz no ned glänzn kinna,dann oba is's bessa worn.
Allerdings ham dann – vermutlich ah vor lauta Ärger übers letzte Spui - da Franz und da Bäckermeister ah weng auslossn, so dass ma gega Fichtheim-Möding und Dingolfing ohne Chance warn.
Im 6. Spui hot uns dann Eichendorf so weit koiffa (mia warn oba ah wieder a weng stabiler), so dass ma wenigstens zwoa Spaia in der Vorrundn gwunga ham.
Noch dem Aussetzer san ma dann bessa aus de Startlöcher kemma und ham ohne Probleme drei Spai gwunga.
Im 4. ham ma zwar drei moi gschrim, aber hoit zweng!
Im 5. Spai kinnand mia grod 4 Kehrn mitschiassn - wida verlorn!
Im letzten Spui is dann ums Schreim ganga.
Mit a weng an Glück und am super letzten Schuss vom Franz ham ma des zum Hoib-Oh no gwinna kinna.
Mit 12:12 Punkten san ma dann nur 5. Siega worn allerdings nur 4 Punkte hintam Erstn - Dingolfing.
Mit a weng konstantan Leistung war deutlich mehr drin gwesn. Trotzdem war’s schee, weil ma do drent wieder andare Gsichta segt.
S nexte Moi reiss ma uns hoit wieda a weng bessa zam.
Horst Bachmeier
