Turniere

Irgendwann is jede Serie zu Ende.
Leida konnt ma de Serie an Turniersiegen in Mariakirchen ned fortsetzn.
Obwohl Nöham als Vorjahressieger – zwar in anderer Besetzung – angreist war, sprang letztendlich ned mehra ois da 5. Platz und 4 dicke Scheibn Lebakas außa.

De Schützn , de se desmoi ned so mit Ruhm bekläckert ham, warn da Grabmeier Franz, da Obermeier Mathe, unser Neutalent und erstmoi dabei gwesna, Dunkel Roland und ih, (Bacheier Horst).
Nach am mäßigen Start mit am Unentschiedn gega Mettenhausen ham ma s’nexte Spui gega d'Stodara (PAN) volorn. Do is uns da Aussetza grod recht kemma.
Danoch war zwar da erste Anschuß vom Roland ned im Haus, oba mia ham gega Dornach trotzdem haushou gwunga. Des hod uns an sechan Schub gem, dass ma Wilhelmshöhe koa Chance lassn ham, Massing mit 32:0 wegbutzt und den spätan Siega Eichendorf deutlich gschlong ham.
Bis da hi war ma mit 9:3 Punkten aus da Vorrundn owai no auf Kurs.
Des erste Spui in da Rückrundn ham ma dann gega Mettenhausn (am End 6.) glei sauba oglad. De Pfarrkirchna ham unsere Möglichkeiten dann zu spürn griagt und mia ham uns für de Vorrundenniederlage revanchieren kinna.
Leida hat uns da zwoate Aussetzer ned so guad da. Mia ham unsane Gegna danoch nimma unter Druck setzn kinna und so is oan ums andere Spui an Bach obe gnaga.
De traurige Bilanz noch m zwoatn Aussetza,  4 Niederlagen!
Und so ham ma mit 11:13 Punktn letztendlich 5. allerdings nur 2 Punkte hinta m Zwoatn won.
Ih geh davo aus, dass beim nextn moi wida bessa ausschaut.

Zum Schluss no oans: An unsam Neuschützn und Moa an Roland is sicha ned gleng.

Aufgschrim vom Horst im September 2010