Unser Gönner und Freund Edi ist verstorben
 |
Mit großer Trauer mussten wir vom Tod unseres Meistertrainers Eduard Schmidhuber erfahren! Er wird uns sehr fehlen!
Eintritt 31.03.2003
verstorben: 11.03.2026
Liebe Anneliese, liebe Familie Schmidhuber, verehrte Trauergäste
Wir Nöhamer Stockschützen trauern um unsern Meistertrainer und guadn Freund: Hofna Edi.
Wia da Edi im März 2003 noch Neham kemma is, war des fast wiar a Heimkehr.
"wenn ih des gwisst hätt, war ih scho fui äha kemma!" hod er amoi gsogt!
Koa greßas Kompliment kanns für an Verein ned gem!
In dera Zeit war da Edi a no ois Kreisfunktionär aktiv
Oba ned nur ois Funktionär war er a Vorbild, sondern er war a ah guada Stockchütz.
Den größten Erfolg ham mia mid eam zam ois Landesligameoasta im Sommer 2006 feiern derfa.
Da Edi war a Mo, der gern Verantwortung übernomma hod.
Ih ois Vorstand hob eam ned lang beddln miassn, sondern er is von söiba aktiv wordn.
A Vereinsmensch war er, oba koa Vereinsmeier.
A kritischer Diskutierer am Stammtisch war er, oba koa Streithansl.
Auf den Edi ham d'Leid ghört, wenn er sei Stimm erhom hod.
2007 lenkte er beim SSV sein sportliches Augenmerk auf den Jugendbereich.
Mit groußem Sachverstand und dem richtign Gspür für de junga Menschn - oft amoi ah mid etwas laudara Stimm, hod er de Jugendabteilung in Nöham aufbaut und "seine Buam" - wia er sie mit feichtn Augn gnennt hod - bis zu Deutschen- und Europameisterschaften gführt!
Unvergessen bleiben uns Nöhamern seine Anektoten, die er bei den diversen Meisterschafts-Feierlichkeiten zu Besten gem hod und bei denen er so manche Träne der Freude vergossn hod.
Liabe Edi: du hinterlosst a grouße Lücke bei uns in Nöham und vor allem bei uns Stockschützen
Mit am einfachen: STOCK Heil nehma mir iatz schweren Herzens Abschied von Dir!
Wir danken dir für Dein Schaffen und Werken, für Deine Treue, Deine Zuversicht und Dein Vertrauen des Du uns de ganzen Jahre lang gschenkt host!
Du wirst in Neham unvergessen bleim!
- Ruhe in Frieden
