"Nix mid da Titelverteidigung!"
 |
 |
Da "Xaver, da Mane, da DickSi und i, da Horst" sand zum Kreispokal Ü50 noch Julboch gfohn und ham den Titel leider ned verteidigen kinna.
Da mia koa Konstanz in unsa Spui brocht ham, gabs quasi abwechselnd Sieg und Niederlage mit oam Unentschieden dazwischen und in da Endabrechnung den 6. Platz.
Zoagt hod se des glei gega Rattenbach.
Do samma noch 4 Kehrn 5:2 vorn und ham in da 5. Kehr Nochschuss bei 2 Stöck vo Rattenbach im Haus. Es konnt dann grod da 2er verhindad wern und es steht 5:3.
In da letzt Kehr hamma Rattenbach dann an 4er gschenkt, Niederlage.
Nochm Aussetza iss de Preabecka gega uns fast a so ganga. Se schengan uns in da 6. Kehr an 3er zum Unentschiedn.
Gega Julbach 1 gabs mit am 4er in der 5. Kerh den ersten Sieg. Dafür hamme dann gega Massing wieda nur 2 Kehrn mithoitn kinna und verlorn.
Koiba war trotz vermeindlich guada Aufstellung des ganze Turnier schlecht und mia fahrn unsan 2. Sieg ei.
Mit Reiba geht’s eng oba. Leida mit dem besseren Ende für Raiba mit a bissal Glück in da letztn Kehr.
Julbach 2 hod dann wieda mehra Fehler gmacht wie mia, Sieg. Wia’s Ergebnis zoagt war Irging ned grod im letztn Spui gega uns sondern des ganze Turnier zu stark für de Gegna und uns.
Da Kreis hod se im Vergleich zum letzten Johr desmoi mit de Preise bessa a’gstrend. Es hod bis zum 6. Platz guade Fleischpreise und dann Würste gem.
So kehrt se des.
